پکتيکا؛ په ارگون ولسوالۍ کې د ۱۴ لوبډلو ترمنځ د واليبال سيالۍ پيل شوې
د پکتيکا ولايت د بدني روزنې او سپورټ امريت اړوند د واليبال فدراسيون د استازولۍ له لوري د ارگون ولسوالۍ په چانخوا کلي کې د ۱۴ لوبډلو ترمنځ په لرې پرتو سيمو کې ورزش ته د ودې ورکولو په موخه د واليبال سيالۍ د عمبروان لوبډلې په بريا پيل شوې.
د يادو سياليو په لومړۍ لوبه کې عمبروان لوبډلې سيالې سرخت لوبډلې ته ۱/۲ ميدان په توپير ماتې ورکړه او بريا يې خپله کړه.
د يادونې وړ ده، چې دغه سيالۍ به يوه اوونۍ دوام وکړي.
