پکتيکا؛ مټاخان ولسوالۍ کې د ټېپ بال کرېکټ ليگ پيل شو
د پکتيکا ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د ياد ولايت په مټاخان ولسوالۍ کې د اتو غوره لوبډلو ترمنځ د ټېپ بال کرېکټ لومړی پړاو ليگ پيل شو.
د يادو سياليو لومړنۍ لوبه د ابراهيمزو ټايگرز او خاموش کېنگ لوبډلو ترمنځ وشوه، د لوبې پچه ابراهيمزو ټايگرز لوبډلې وگټله او لومړی يې د توپ وهنې پرېکړه وکړه، چې په ۵.۴ اورونو کې يې د ټولو لوبغاړو په سوځېدو سره خپلې سيالې لوبډلې ته د ۱۵۳ منډو هدف کېښود، په ځواب کې خاموش کېنگ لوبډلې ياد هدف د لوبې ۵.۱ اورونو کې ترلاسه کړ او سيالي يې د ۷ ویکټو په توپیر وگټله.
