پکتيکا؛ مرکز ښرنه کې د ۲۴ ورزشکارانو ترمنځ د لاس چپه کولو سيالۍ ترسره شوې
د پکتيکا ولايت د بدني روزنې او ورزش امريت اړوند د ملي او دوديزو لوبو مديريت له لوري د ښرنې ښار په علي بابا لېسه کې د ۲۴ ورزشکارانو ترمنځ د لاس چپه کولو سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې قدرت الله لومړی، طاهر شاه دويم او بسم الله بيا درېيم مقام تر لاسه کړ.
د دغو سياليو د ترسره کېدو موخه ملي او دوديزو لوبو ته وده ورکول ښودل شوي وو، چې په پای کې غوره ورزشکارانو ته چمتو شوې ډالۍ ورکړل شوې.
