پکتيکا؛ مرکز شرنه کې د غشو وېشتلو سيالۍ تر سره شوې
د پکتيکا ولايت د بدني روزنې او سپورټ آمريت اړوند، د ملي او دوديزو لوبو مديريت لۀ لورې، د ياد ولايت پۀ مرکز شرنه کې د ۳۰ ورزشکارانو تر منځ د غشو وېشتلو سيالۍ ترسره شوې.
په يادو سيالۍ کې نجيب الله آرمان لومړی، شاه محمد نصرت دويم او جهانزيب دريم مقام تر لاسه کړ.
دغه سيالۍ، چې يو ورځ دوام وکړو، موخه يې ملي او دوديزو لوبو ته وده ورکول و او په پای کې ګټونکو لوبغاړو ته چمتو شوې ډالۍ ورکړل شوې.
