پکتيکا؛ زيړوک ولسوالۍ کې د ۱۸ لوبډلو ترمنځ د واليبال سيالۍ پيل شوې
د پکتيکا ولايت د بدني روزنې او ورزش آمريت اړوند د واليبال فدراسيون د استازولۍ له لوري د یاد ولايت په زيړوک ولسوالۍ کې د ۱۸ لوبډلو ترمنځ د واليبال سيالۍ پيل شوې.
د دغو سیالیو په لومړۍ لوبه کې شيني ځدراڼ لوبډلې خپلې سيالې عيدک لوبډلې ته د ۲ پر ۰ ميدانونو په توپير ماتې ورکړه او بريا يې په خپل نوم کړه.
د يادو سیالیو موخه له نشه يي توکو څخه د ځوانانو ليری والی دی، چې څلور ورځې به دوام وکړي.
