پکتيکا؛ د يوسف خېلو ولسوالۍ د نېزه وهنې سيالۍ د خيرکوټ د پلکشير لوبډلې په اتلولۍ پای ته ورسېدې
د پکتیکا ولایت د بدني روزنې او ورزش امریت له لوري د دې ولایت یوسف خېل ولسوالۍ کې د یادې ولسوالۍ د ځوانانو له لوري د ۷ لوبډلو ترمنځ د نېزه وهنې سیالۍ د خیرکوټ د پلکشير لوبډلې په اتلولۍ پای ته ورسېدې.
يادې سيالۍ د يوې ورځې لپاره ترسره شوې، چې پايلوبې ته يې د مرکز شرنې اتفاق او خيرکوټ پلکشير لوبډلو لاره موندې وه، چې په پايله کې پلکشېر لوبډلې خپلې سيالې لوبډلې ته په ماتې ورکولو سره اتلولي خپله کړه.
د يادو سياليو موخه د ځوانانو ترمنځ يووالی او لرې پرتو سيمو ته د ورزش رسول دي.
په پای کې غوره لوبډلې ته چمتو شوې ډالۍ ورکړل شوه.
