پکتيکا؛ برمل ولسوالۍ کې د ۱۳ لوبډلو ترمنځ د ټېپ بال کرېکټ سيالۍ پيل شوې
د پکتیکا ولایت د بدني روزنې او ورزش آمريت اړوند د ټېپ بال کرېکټ فدراسيون د استازولۍ له لوري د ياد ولايت په برمل ولسوالۍ کې د ۱۳ لوبډلو ترمنځ د ټېپ بال کرېکټ سيالۍ پيل شوې.
د دغو سياليو لومړۍ لوبه د وزيرستان زلمو او يوولس ستورو لوبډلو ترمنځ ترسره شوه. د لوبې پچه وزيرستان زلمو لوبډلې وگټله او لومړی يې د توپ وهنې پرېکړه وکړه، چې په ټاکلو اتو اورونو کې يې د شپږو لوبغاړو په سوځېدو سره سيالې لوبډلې ته د ۱۱۲ منډو هدف وټاکه، په مقابل کې يوولس ستورو لوبډلې ياد هدف د لوبې په اتم اور کې ترلاسه کړ او د شپږو ویکټو په توپير يې بريا خپله کړه.
دا سيالۍ په ليرې پرتو سیمو کې ورزش ته د ودې ورکولو او د ځوانانو لپاره د سالمې تفريح برابرولو په موخه ترسره کېږي.
