پکتيکا؛ ارگون ولسوالۍ کې د ۲۰ لوبډلو ترمنځ د ټېپ بال کرکټ سيالۍ پای ته ورسېدې
د پکتيکا ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د ياد ولايت په ارگون ولسوالۍ کې د ۲۰ لوبډلو ترمنځ د ټېپ بال کرکټ سيالۍ، چې اته ورځې مخکې پيل شوې وې د نظر شاه لوبډلې په اتلولۍ پای ته ورسېدې.
د يادو سياليو پايلوبه د نظر شاه او عزت الله لوبډلو ترمنځ وشوه، د لوبې پچه نظر شاه لوبډلې وگټله او لومړی يې د توپ وهنې پرېکړه وکړه، چې په ټاکلو نهو اورونو کې يې د پنځو لوبډلو په سوځېدو سره سيالې لوبډلې ته د ۱۰۹ منډو هدف وټاکه، په مقابل کې عزت الله لوبډلې د ټولو لوبغاړو په سوځېدو سره ۹۱ منډې وکړې او لوبه يې د ۱۸ منډو په توپير وبايلله.
د ويلو وړ ده، چې د دغو سیالیو موخه د ځوانانو ترمنځ يووالی رامنځته کول وو.
