پکتيا کې د ۵۰ ورزشکارانو ترمنځ د رمضان جام په نوم د کونگ فو سيالۍ وشوې
د پکتيا ولايت د بدني روزنې او ورزش رياست اړوند د کونگ فو فدراسيون د استازولۍ له لوري د ياد ولايت په مرکز گردېز ښار کې د ۵۰ ورزشکارانو ترمنځ د رمضان جام په نوم د کونگ فو دوستانه سيالۍ وشوې.
دغه سيالۍ، چې د نويو ځوانانو، ځوانانو او لويانو ورزشکارانو په عمري کټگوريو کې ترسره شوې، په پايله کې ۲۵ تنو ورزشکارانو خپلو سيالانو ته په ماتې ورکولو سره برياوې خپلې کړې او د اتلولۍ حکمونه او بري ليکونه يې ترلاسه کړل.
د يادو سياليو موخه د ورزشکارانو ترمنځ يووالی وو، چې يوه ورځ يې دوام وکړ.
