پکتيا کې د ۳۰ تنو ورزشکارانو ترمنځ د جودو ټاکنيزې سيالۍ ترسره شوې
د پکتيا ولايت د بدني روزنې او ورزش رياست اړوند د جودو فدراسيون د استازولۍ له لوري د گردېز ښار په مرکزي سټوډيوم کې د مرکز او ولسوالیو له بېلابېلو کلبونو څخه د ۳۰ تنو ورزشکارانو ترمنځ د ياد ولايت منتخبې لوبډلې ته د غوره لوبغاړو ټاکلو په موخه د جودو ټاکنيزې سيالۍ ترسره شوې.
دغه سیالۍ چې د نويو ځوانانو، ځوانانو او مشرانو په عمري کټگوريو کې ترسره شوې، په پايله کې لس تنه غوره ورزشکاران د پکتيا منتخبې لوبډلې ته غوره شول.
