پکتيا کې د ۳۰ تنو ورزشکارانو ترمنځ د جوجيتسو غوراوي سيالۍ ترسره شوې
د پکتيا ولايت د بدني روزنې او ورزش رياست اړوند د جوجيتسو فدراسيون د استازولۍ له لوري د گردېز ښار په مرکزي سټېډیوم کې د ۳۰ تنو ورزشکارانو ترمنځ د نويو ځوانانو، ځوانانو او مشرانو په عمري کټگوريو کې د جوجيتسو غوراوي سيالۍ ترسره شوې.
په دغو سياليو کې د مرکز او ولسوالیو له بېلابېلو کلبونو څخه ورزشکارانو گډون کړی وو، چې په پايله کې لس تنه د پکتيا جوجيتسو منتخبې لوبډلې ته غوره شول.
د يادونې وړ ده، چې د دغو سياليو په پای کې د ياد ولايت د ورزش رياست له لوري غوره شويو ورزشکارانو ته د اتلولۍ حکمونه او مډالونه ورکړل شول.
