پکتيا کې د څلورو لوبډلو ترمنځ د هاکي ټاکنیزې سيالۍ پيل شوې
د پکتيا ولايت د بدني روزنې او ورزش رياست اړوند د هاکي فدراسيون د استازولۍ له لوري د مرکز گردېز ښار په ورزشي جمنازيوم کې د څلورو لوبډلو ترمنځ د ياد ولايت منتخبې لوبډلې ټاکلو په موخه د هاکي ټاکنيزې سيالۍ پيل شوې، چې څلور ورځې به دوام وکړي.
په دغو سياليو کې د پکتيا ځوانان، پکتيا اتحاد، پکتيا سټار او پکتيا اتلانو لوبډلو گډون کړی، چې په لومړنۍ لوبه کې پکتيا ځوانانو لوبډلې خپلې سيالې پکتيا اتحاد لوبډلې ته د ۷ پر ۴ امتيازونو په توپير ماتې ورکړه او بريا يې خپله کړه.
