پکتيا کې د اتو لوبډلو ترمنځ د رمضان جام په نوم د فوټسال سيالۍ پيل شوې
د پکتيا ولايت د بدني روزنې او ورزش رياست اړوند د فوټبال فدراسيون د استازولۍ له لوري د مرکز گردېز ښار په سرحدي لوبغالي کې د اتو لوبډلو ترمنځ د رمضان جام په نوم د فوټسال سيالۍ پيل شوې.
د دغو سياليو په لومړنۍ لوبه کې تلاش لوبډلې خپلې سيالې تمدن لوبډلې ته د ۱ پر ۰ گول په توپير ماتې ورکړه او بريا يې په خپل نوم کړه.
د يادو سياليو موخه ورزش ته د ځوانانو هڅول او په ياد ولايت کې د فوټسال ورزش ته وده ورکول دي، چې لس ورځې به دوام وکړي.
