پکتيا؛ پيمان لوبډلې د گردېز ښار د فوټسال ژمنيو سياليو اتلولي وگټله
د پکتيا ولايت د بدني روزنې او سپورټ رياست اړوند د فوټبال فدراسيون د استازولۍ له لوري د پکتيا پوهنتون په ورزشي جمنازيوم کې د ۳۰ لوبډلو ترمنځ د فوټسال ژمنۍ سيالۍ د پيمان لوبډلې په اتلولۍ پای ته ورسېدې.
د يادو سياليو پايلوبه د پيمان او تلاش لوبډلو ترمنځ ترسره شوه، چې په پايله کې پيمان لوبډلې خپلې سيالې تلاش لوبډلې ته د ۲/۶ گولونو په توپير ماتې ورکړه او اتلولي يې خپله کړه.
د دغو سياليو د ترسره کېدو موخه د ورزشکارانو جسمي رغونه او راتلونکو سياليو لپاره يې تياری ښودل شوی و او په پای کې گټونکې لوبډلې ته د اتلولۍ جام او غوره لوبغاړو ته کپونه او بېلابېلې چمتو شوې ډالۍ ورکړل شوې.
