پکتيا؛ په گردېز ښار کې د ۲۵ لوبډلو ترمنځ د واليبال سيالۍ پيل شوې
د پکتيا ولايت د بدني روزنې او ورزش رياست اړوند د واليبال فدراسيون د استازولۍ له لوري د مرکز گردېز ښار په نيستي کوټ سيمه کې د ۲۵ لوبډلو ترمنځ د ورزشکارانو يووالي په موخه د واليبال سيالۍ، چې دوې اوونۍ به دوام وکړي، د نيستي کوټ سټارز لوبډلې په بريا پيل شوې.
د يادو سياليو په لومړنۍ لوبه کې نيستي کوټ سټارز لوبډلې خپلې سيالې مهلن لوبډلې ته د ۲/۳ ميدانونو په توپير ماتې ورکړه او بريا يې خپله کړه.
