پکتيا؛ په سيدکرم ولسوالۍ کې د لسو لوبډلو ترمنځ د واليبال ټاکنيزې سيالۍ پيل شوې
د پکتيا ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په سيدکرم ولسوالۍ کې د لسو لوبډلو ترمنځ د پکتيا ټاکنيزو سياليو ته د غوره لوبډلې ټاکلو په موخه د واليبال سيالۍ پيل شوې.
دغه سیالۍ چې ۱۵ ورځې به دوام وکړي، په لومړنۍ لوبه کې سيدکرم A لوبډلې خپلې سيالې سيدکرم B لوبډلې ته د ۲ پر ۱ ميدانونو په توپير ماتې ورکړه او لومړۍ بريا يې په خپل نوم کړه.
