پکتيا؛ په احمد خېلو ولسوالۍ کې د ۱۸ لوبډلو ترمنځ د واليبال ټاکنيزې سيالۍ پيل شوې
د پکتيا ولايت د بدني روزنې او ورزش رياست اړوند د واليبال فدراسيون د استازولۍ له لوري د احمد خېلو ولسوالۍ په ايوبي لوبغالي کې د ۱۸ لوبډلو ترمنځ د ياد ولايت ټاکنيزو سياليو ته د غوره لوبډلې ټاکلو په موخه د واليبال سيالۍ پيل شوې.
دغه سیالۍ چې اته ورځې به دوام وکړي، په لومړنۍ لوبه کې شفيق سکندر خېلو لوبډلې خپلې سيالې نجيب حسن خېلو لوبډلې ته د ۲ پر صفر ميدانونو په توپير ماتې ورکړه او لومړۍ بريا يې په خپل نوم کړه.
