پکتيا؛ په احمد ابا ولسوالۍ کې د لاس چپه کولو محلي - دوديزي سيالۍ ترسره شوې
د پکتيا ولايت د سپورټ ریاست ترچتر لاندې د ملي او دوديزو لوبو مدیريت له لوري په احمد ابا ولسوالۍ کې د "خپلواک افغانستان" په نوم د ٧٢ ورزشکارانو ترمنځ د لاس چپه کولو دوديزي سیالۍ ترسره شوې.
په دغو سياليو کې د تنکيو ځوانانو، ځوانانو او لويانو سني او څلور وزني کټګوريو کې کډون کوونکي ورزشکاران له يوبل سره ولوبېدل.
د دغو سياليو موخه په احمد ابا ولسوالۍ کې د ورزش وده او محلي _ دوديزو لوبو را ژوندي کول دي.
په پای کې غوره ورزشکارانو ته مډالونه اورزشي لباسونه ورکړل شول.
