پکتيا؛ زرمت ولسوالۍ کې د ١٦ لوبډلو ترمنځ د والیبال سیالۍ پای ته ورسېدې
د پکتيا ولايت د بدني روزنې او ورزش ریاست اړوند د والیبال فدراسیون د استازولي له لوري د ياد ولايت په زرمت ولسوالۍ کې د ١٦ لوبډلو ترمنځ د والیبال اختریزې سیالې د مینځیو لوبډلې په اتلولي پای ته ورسېدې.
د یادو سیالیو پایلوبه د مینځیو او میدادخېلو لوبډلو ترمنځ ترسره شوه، چې په پایله کې یې مینځیو لوبډلې د ٣ پر ٢ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
یادو سیالیو ١٥ ورځې دوام وکړ او په پای کې اتلې لوبډلې ته یو عراده موټر سایکل او غوره لوبغاړو ته جامې او ستاینلیکونه ورکړل شول.
