په کونړ ولايت کې د "مرکز او سالارزي"لوبډلو ترمنځ د فوټبال دوستانه سيريز پاى ته ورسيد
د کونړ ولايت مرکز اسعد اباد ښار کرهالي پارک ته څېرمه د مرکز او مروري ولسوالۍ اړوند حصاري سالارزي فوټبال لوبډلو ترمنځ د فوټبال دوستانه سيريز چې څو ورځې وړاندې پيل شوى وه پاى ته ورسيد.
په دغه سيريز کې ټولې پنځه لوبې وشوې چې له دې ډلې درې سيالۍ د مرکز او دوه هغه يې د سالارزي لوبډلې وګټلې.
د جمعې په ورځ د ليندۍ په ٢٥ نېټه د دې سيريز د فاينل لوبه ترسره شوه چې د مرکز لوبډلې له "٥-٢" پايلې سره د سالارزي لوبډلې ته ماتې ورکړه او د دې سيريز اتلولي يې خپله کړه.
