په کندهار کې د ۶۴ لوبډلو ترمنځ د فوټسال رمضان جام سیالۍ پای ته ورسېدې
د کندهار ولایت په مرکز وطن ورزشي جمنازیوم کې د ۶۴ لوبډلو ترمنځ د فوټسال رمضان جام شپنیو سیالیو اتلولي او. اېچ. اې لوبډلې خپله کړه.
د دغو سیالیو پایلوبې ته " او. اېچ. اې" او نوزاد لوبډلو لار موندلې وه، چې په پایله کې او. اېچ. اې لوبډلې خپلې سیالې نوزاد لوبډلې ته د ۵-۲ ګولونو په توپیر ماتې ورکړه او اتلولي یې خپله کړه.
هېره دې نه وي، چې په پای کې غوره لوبډلو او لوبغاړو ته د ورزشي مسوولینو له لوري چمتو شوې ډالۍ ورکړل شوې.
