په کندهار کې د کندهار زون په کچه د خوسي ټاکنيزې سيالۍ ترسره شوې
د کندهار ولايت د بدني روزنې او ورزش رياست اړوند د ملي او دوديزو لوبو مديريت له لوري په غازي محمد ايوب خان ورزشي لوبغالي کې د کندهار زون په کچه د خوسي ټاکنيزې سيالۍ ترسره شوې.
دغه سيالۍ چې موخه يې د کندهار زون په کچه د خوسي منتخبې لوبډلې ټاکل و، له ۳۰ زياتو ورزشکارانو پکې ګډون کړی و، چې په پايله کې ۸ ورزشکاران د ياد زون منتخبې لوبډلې ته وټاکل شول، چې په راتلونکې کې به د ياد زون په کچه په ولايتي سياليو کې ګډون کوي.
