په کندز کې د کورش سیالۍ ترسره شوې
دغه لوبې د دغه ولایت د بدني روزنې او ورزش ریاست په نوښت او د کورش فدراسیون د مسؤل استاد انور جي په همکارۍ او د تخار، بغلان او کندز ولایتونو د ورزشکارانو په ګډون د جمعیت لیسې په کوربه توب د کندز په چهاردرې ولسوالۍ کې پیل شوې.
د کندوز د ورزش مسوولين وايي د دې لوبو لیدلو لپاره لوړپوړو دولتي چارواکو په ګډون زرګونه کسانو ګډون کړی و.
د يادونې وړ ده، چې دغه لوبې د کوچني اختر په مناسبت جوړې شوې وې، چې د کندوز د ورزش رياست له لوري د ډاليو په وېشلو سره پای ته ورسېدې.
