په کابل کې د جوجوتیسو ملي لوبډلې د غوراوي سیالۍ پيل شوې
د بدني روزنې او ورزش عمومي ریاست اړوند جوجوتیسو ملي فدراسیون له لوري د کابل، هرات، فاریاب، بادغیس، بلخ، بامیان، دایکندي، میدان وردګ، پکتیا، غزني او خوست ولایتونو د ۲۵۰ ورزشکارانو ترمنځ د جوجوتیسو د ملي لوبډلې د غوراوي سیالۍ پيل شوې.
دغه سیالۍ د دوو کټګوریو ځوانانو او لویانو په مختلفو وزنونو کې ترسره کېږي، چې په پایله کې به د هیواد په کچه د نړیوالیو سیالیو لپاره د غوره ورزشکارانو ۳۰ کسیزه لوبډله و ټاکل شي.
د یادونې وړ ده چې یادې سیالۍ په نیوازا، فول کانټک او نوکي سبکونو ترسره کېږي او پنځه ورځې به دوام وکړي.
