په پکتیا کې د ۵۰ ورزشکارانو ترمنځ د پاورلفټېنګ ټاکنیزې سیالۍ وشوې
د پکتیا ولایت د بدني روزنې او ورزش ریاست اړوند د پاورلفټېنګ فدراسیون د استازولۍ له لوري د یاد ولایت په مرکز ګردېز ښار، شاروالۍ پارک کې د ۵۰ ورزشکارانو ترمنځ د پاورلفټېنګ ټاکنیزې سیالۍ وشوې.
دغه سیالۍ د نویو ځوانانو، ځوانانو او لویانو په عمري کټګوریو کې ترسره شوې، چې په پایله کې لس تنه غوره ورزشکاران د یاد ولایت منتخبې لوبډلې ته وټاکل شول.
