په پکتيا کې د بدن ښکلا او فټنیس پنځلسم پړاو منتخبه سیالۍ ترسره شوې
په پکتیا ولایت کې د بدن ښکلا او فټنس فدراسیون د ۲۱ ورزشکارانو ترمنځ د پکتیا د بدن ښکلا منتخبه لوبډلې لپاره پنځلسم پړاو ولایتي ټاکنيزې سیالۍ ترسره شوې .
په دې سیاليو کې د پکتيا ولايت د بدني رونې او سپورټ رئيس قاري نور الرحمن تسکین دبدن ښکلا فدراسیون مسؤول شريف خان منګل، د بېلابېلو ورزشي رشتو مسؤلینو، ورزشکارانو او ګڼ شمېر مينوالو ګډون کړی و.
دغه سېالۍ چې د پکتیا د سپورټ رياست او بدن ښکلا فدراسیون په ګډه همغږي ترسره شوې، په پايله کې ۱۰ ورزشکاران د پکتیا د ۱۴۰۲ کال منتخبه لوبډلې لپاره د غړو په توګه وټاکل شول.
په پای کې غوره ورزشکارانو ته مډالونه او د اتلولۍ حکمونه هم ورکړل شول.
