په پنجشېر کې د لاس چپه کولو دودیزې سیالۍ ترسره شوې
د پنجشېر ولایت د بدني روزنې او ورزش امریت له لوري د دې ولایت په مرکز کې د عنابې، رخې او بازارک ولسواليو د ۴۰ ورزشکارانو په ګډون د پنجسېر په بازارک ورزشي میدان کې د لاس چپه کولو سیالۍ ترسره شوې.
په دې سیالیو کې ګډون کوونکو ورزشکارانو له داسې پروګرامونو دایرولو څځه خوښ دي او په دې ولایت کې یې د ملي، محلي او دودیزو ورزشونو د پراختیا غوښتنه وکړه.
د یادولو ده، چې په دې وروستیو کې د دې ولایت په مرکز، ولسوالیو او کلیو کې د ملي عنعنوي ورزشونو ټولو ورزشي استازولیو په بېرته فعالېدو کې ګټور ګامونه اخیستل شوي، چې محلي او عنعنوي ورزشونه دود شي او د ټولو د منلو وړ وګرځي.
