په پروان ولایت کې د کلاسیک پاور لفټینګ د غوراوي سیالیو دولسم پړاو ترسره شو.
په پروان ولایت کې د کلاسیک پاور لفټینګ د غوراوي سیالیو دولسم پړاو ترسره شو.
دغه لوبې د لیندۍ مياشتې له څلورمې څخه تر پنځمې نيټې پورې په جبل السراج ولسوالۍ کې په څلورو کټګوريو؛ تنکيو ځوانانو، ځوانانو، ازادو او مخکښ ورزشکارانو په ګډون له ٥٣ کيلوګرام څخه تر مثبت ١٢٠ کيلوګرامو پورې ترسره شوې.
دغه سيالۍ د پاور لفټينګ له څلورو کلپونو څخه د ۴۰ ورزشکارانو په ګډون ترسره شوې چې په ازاده برخه کې حارث، سخي زاده په دوو حرکتونو، سکوات او ددلفټ کې د ۸۳ کيلوګرامو په وزن کې د ۴۴۰ کيلو ګرامو په وهلو سره لومړی مقام خپل کړ.
د یادولو وړ ده چې د مخکښانو په برخه کې ذکریا دوستي د ۱۲۰ کیلو ګرامه وزن په برخه کې د ۴۳۰ کیلوګرامه وزن وهلو سره لومړی مقام خپل کړ.
دغه سيالۍ د افغانستان د پاور لفټينګ رياست د رهبرۍ ټيم تر څارنې لاندې په لاره اچول شوې وې چې د دغو سياليو په پاى کې لومړى، دويم، دريم مقامونه ته کپونه، مډالونه او ستاينليکونه وويشل شول.
