په هلمند پوهنتون کلب کې د څلورو لوبډلو ترمنځ د کبډي سیالۍ ترسره شوې
د هلمند ولایت د بدني روزنې او ورزش امریت اړوند د کبډي فدراسیون د استازولۍ له لوري په هلمند پوهنتون کې له څلورو لوبډلو نږدې د دېرشو لوبغاړو ترمنځ د کبډي سیالۍ، د محمدي ورزشي کلب په اتلولۍ پای ته ورسېدې.
د دغو سیالیو پایلوبه د محمدي ورزشي کلب او هلمند پوهنتون کلب لوبډلو ترمنځ ترسره شوه، چې په پایله کې د محمدي ورزشي کلب خپلې سیالې لوبډلې ته د ۲۵ نمرو په توپیر ماتې ورکړه او اتلولي یې خپله کړه.
د یادو سیالیو موخه ملي او دوديزو لوبو ته وده ورکول و.
د سیالۍ په پای کې استاذانو او غوره لوبغاړو ته چمتو شوې تحفې او ډالۍ ورکړل شوې.
