په هرات ولايت کې د اس ځغلونې اووم پړاو ټاکنيزو سياليو دوام
دغه سيالۍ د هرات ولايت په کوربتوب په دوو سبکونو (يورغه او سرعتي) کې، يورغه په ۸۰۰ او ۱۲۰۰ متره او سرعتي په ۸۰۰ او ۱۰۰۰ متره واټن کې ترسره او دوام لري.
تمه ده چې د دغو سياليو په پايله کې به د ۱۱ ولايتونو له ۱۲ لوبډلو څخه چې ټول ټال ۱۵۰ اس ځغلونکي او ۱۵۰ اسونه کېږي، په دواړو سبکونو کې ۲۰ اسونه او ۲۰ اس ځغلونکي د هيواد په کچه د ملي لوبډلې لپاره وټاکل شي.
د يادونې وړ ده، چې تر نن ورځې د دغو سياليو په دوام د مختلفو ولايتونو ورزشکاران په يادو سبکونو کې مخکښ او وړاندې دي، چې پر دوام يې نن په سرعتي ۸۰۰ متره واټن کې هرات، لغمان، کابل، ننګرهار، بادغيس مخکښ او راتلونکې بلې مرحلې ته داخل شول او د يورغه سبک په ۱۲۰۰ متره واټن کې هرات بلې مرحلې ته او د يورغه سبک په ۸۰۰ متره واټن کې هرات، لغمان او ننګرهار مخکښ او بلې مرحلې ته داخل شول.
