په ننګرهار کې د تنکيو ځوانانو او نويو ځوانانو ترمنځ د سوک وهنې سيالۍ پای ته ورسېدې
د ننګرهار ولایت د بدني روزنې او ورزش ریاست په لارښونو او همغږۍ د سوک وهنې فدراسیون له لوري د سوک وهنې ټاکنیزې سیالۍ پای ته ورسېدې.
دغه سيالۍ، چې موخه يې د ياد ولايت په کچه د تنکيو ځوانانو او نويو ځوانانو د منتخبې لوبډلې ټاکل وو، په پايله کې د تنکيو ځوانانو او نويو ځوانانو ۲۴ کسيزه لوبډله د ننګرهار ولایت په کچه منتخبې لوبډلې ته وټاکل شوه.
هېره دې نه وي، چې په دغو سياليو کې د نوموړي ولايت په کچه له ۶۰ کلبونو څخه ۲۲۰ ورزشکارانو ګډون کړی و.
