په ننګرهار ولايت کې د تکواندو استادانو ته د داوري سندونه ورکړل شول .
د ننګرهار ولايت د تکواندو له ٢٥ تنو استادانو څخه ۱۷ تنو ته یې د تکواندو د ملي فدراسیون له لوري د داوري له درۍ میاشتیني سمینار او آزموینې وروسته د داوري سندونه ورکړل شول.
د سندونو د ورکړي په مراسمو کې د افغانستان د تکواندو ملي فدراسيون رٸيس داکتر نجيب الله سکندري، د ننګرهار ولايت دبدني روزنې رياست مالي او اداري مدير او د تکواندو نړيوال اتل استاد بادام ګل ملتزم، د ننګرهارولايت د تکواندو فدراسيون مشر استاد محمد خالد اکبرى او د ملي فدراسيون رهبري غړو په شتون کې بريالي شوو استادانو د داوري سندونه ترلاسه کړل.
