په لمړى ځل د ننګرهار ولايت د خوږيانو ولسوالۍ وزيرو سيمه کې د پهلوانۍ او واليبال سيالۍ ترسره شوې .
د ننګرهار ولايت د بدني روزنې او ورزش رٸيس عبدالسلام وزيروال په هڅو د لمړى ځل لپاره د ننګرهار ولايت د خوږيانو ولسوالۍ وزيرو سيمه کې د شهيد رهبر د شهادت په وياړ د پهلوانۍ او واليبال سيالۍ ترسره شوې .
ياد سيالۍ ، چې د جمعي په مبارکه ورځ د خوږيانو ولسوالۍ وزيرو سيمه کې د سولې او امن په فضاء کې د شهيد رهبر د کورنۍ غړو په کوربتوب او د پهلوانۍ او واليبال فدراسيونونو مسٶلينو په تخنيکي همکارۍ په وزيرو سيمه کې جوړه شوي وه پکې ١٥٠ تنو پهلوانانو يو بل پروړاندي سيالۍ ترسره کړې .
سياليو ته د ګډون پرمهال د ننګرهار ولايت د بدني روزنې رٸيس عبدالسلام وزيروال ، د پهلوانۍ فدراسيون مشر حاجى ايمل احمدزى ، د واليبال فدراسيون مشر داکتر منير ، د مختلفو فدراسيونونو مشرانو ، د سيمې قومي او جهادى مشرانو ، د اسلامي امارت زړه ورو مج…اهدينو ، سلګونو ځوانانو او د ښار او ولسواليو څخه راغلو مشرانو سربيره د شهيد رهبر د کورنۍ غړو هم ګډون درلود .
د بدني روزنې رٸيس عبدالسلام وزيروال د وينا پرمهال د فدراسيونونو مسٶلينو او ورزشکارانو سربيره د شهيد رهبر د کورنۍ په استازولۍ د قارى محمد رهبر د ميلمه پالنې او د ولسونو د راتک او همدارنګه د امنيتى ځواکونو د بشپر امنيت څخه مننه او قدرانۍ وکړه او زياته يي کړه ، چې دا به د ولسواليو لپاره د ورزش پيل وي او هڅه کوي تر څو په ټولو ولسواليو کې د ورزش د پرمختک او ځوانانو په سالمه روزنه کې ورته پروګرامونه جوړ کړي ، تر څو ولسونو ته د تفريح او ځوانانو ته د سالم رقابت ترڅنګ د مخدره توکو د مخنوى باعث وګرځى .
د يادونې وړ ده ، چې د پهلوانۍ سيالۍ پاى ته ورسيد او د واليبال د ولسواليو او لغمان ولايت ترمنځ يوه اوونۍ دوام لري .
