په لغمان ولايت کې د کونګفو توا سيالۍ ترسره شوې
د لغمان ولایت د بدني روزنې او ورزش امريت په مرسته د کونګفو فدراسیون له لوري د لغمان او ننګرهار ولايتونو د ٢٨ جوړو ورزشکارانو ترمنځ د کونګفو توا سيالۍ ترسره شوې.
دغه سیالۍ چې د يوې ورځې لپاره د لغمان ولایت په ٥٠٠ کسيز ورزشي جمنازيوم ترسره شوې موخه يې د فلسطین له مسلمانانو څخه ملاتړ دى.
د دغو سياليو په پايله کې د لغمان ورزشکارانو لومړى او ننګرهار دويم مقام ترلاسه کړ.
په پاى کې د لغمان ورزش امريت له لوري لومړي مقام ګټونکو ته مډال او تقديرنامې او دويم مقام ته يو ډپيلوم ورکړل شو.
