په غور کې د ٤٠ ورزشکارانو ترمنځ د ووشو سانداوانګ سيالۍ ترسره شوې
د غور ولايت د ورزش امريت په همغږۍ د ووشو فدراسیون له لوري د کابل، هرات او غور ولايتونو د ٤٠ ورزشکارانو ترمنځ د ووشو سانداوانګ سيالۍ ترسره شوې.
په دغو سياليو کې چې د لويانو سني کټګورۍ د بېلانو وزنونو ورزشکاران پکې ګډون درلود، چې په پایله کې يې د بېلابېلو ولایتونو په مختلفو وزنونو کې ورزشکارانو لومړي مقامونه وګټل.
د دغو سياليو د ترسره کېدو موخه د ووشو ورزش وده او پرمختګ دى.
په پاى کې د غوره ورزشکارانو ته مډالونه او تقديرنامې ورکړل شوې.
