په سمنګان ولایت کې د وزلوبې سیالۍ ترسره شوې
په سمنګان ولایت کې د وزلوبې سیالۍ ترسره شوې
په دې سیالیو کې، چې د جمعې په ورځ ترسره شوې؛ د سمنګان ولایت له مرکز او ولسوالیو څخه څه باندې ۶۰ چاپ اندازانو برخه اخیستې وه.
د سمنګان ولایت د وزلوبې د فدراسیون رئیس قاري ذبیح الله حاجي زاده وايي، د دغو سیالیو له ترسره کېدو موخه بهرنیو او مرکزي سیالیو لپاره د دغه ولایت چاپ اندازانو چمتو کول دي.
په سلګونو مینه وال د ایبک په ورزشي لوبغالي کې د سیالۍ د لیدو لپاره راټول شوي وو.
وزلوبه زموږ په هېواد کې يوه له سيمه ييزو لوبو څخه ده، چې هر کال د هېواد په شمالي ولايتونو کې د بېلابېلو سياليو په ترڅ کې ترسره کېږي.
