په زابل کې د څلورو لوبډلو ترمنځ د فوټبال سیالۍ پای ته ورسېدې
د زابل ولایت د بدني روزنې او ورزش امریت او فوټبال فدراسیون استازولۍ په هغږۍ د یاد ولایت په مرکز کې د څلورو لوبډلو ترمنځ د فوټبال سیالیو اتلولي استقلال لوبډلې خپله کړه.
د دغو سیالیو په پایلوبه کې استقلال لوبډلې خپلې سیالې غزنویان لوبډلې ته د ۳-۲ ګولونو په توپیر ماتې ورکړه او اتلولي یې خپله کړه.
هېره دې نه وي چې په یادو سیالیو کې غزنویان، لب دریا، استقلال او زابلوال لوبډلو ګډون کړی و.
د یادونې ده چې په پای کې غوره لوبغاړو ته د یاد ولایت د ورزشي مسوولینو له لوري مډالونه او ستاینلیکونه ورکړل شول.
