په خوست کې پاکستاني او افغاني فايټرانو ترمنځ د ووشو سيالۍ ترسره شوې
د خوست ولايت د ورزشي آمريت اړوند ووشو فدراسيون له لوري د لسو پاکستاني فايټرانو په ګډون د لوګر، ميدان وردګو او خوست ولايتونو د شپېتو فايټرانو ترمنځ د ياد ولايت په اماني ملي لوبغالي کې د ووشو سيالۍ ترسره شوې.
د دغو سياليو په اوږدو کې خوست د ۲۸ مډالونو په ترلاسه کولو لومړی، لوګر د پنځو مډالونو په ترلاسه کولو سره دويم او ميدان وردګو د ۴ مډالونو په ترلاسه کولو سره درېيم مقام کړ.
بايد يادونه وشي چې پاکستاني ورزشکارانو له لسو څخه يې يوه سيالي وګټله او مډال يې ترلاسه کړ.
هېره دې نه وي چې په پای کې غوره ورزشکارانو ته کپونه، مډالونه او د قهرمانۍ حکمونه ورکړل شول.
