په خوست کې د ۱۲ لوبډلو ترمنځ د ټېپ بال کرکټ څلورم پړاو سیالۍ پیل شوې
د خوست ولایت په مرکز صحرا باغ کې د ۱۲ لوبډلو ترمنځ د تېپ بال کرکټ د شېخانو څلورم پړاو سیالۍ پیل شوې.
د دغو سیالیو د پیل لوبه د قهرمان او احمدزي کرکټ کلبونو لوبډلو ترمنځ ترسره شوه، لومړی توپوهنه قهرمان کلب لوبډلې ترسره کړه او په ټاکلو لسو اورونو کې یې سیالې لوبډلې ته د دوو لوبغاړو په زیان ۲۳۰ منډې هدف کېښود، بل لوري ته احمدزي کلب لوبډله د یاد هدف په پوره کولو کې پاتې راغله او په ۱۲۰ منډو یې ماتې وخوړه.
هېره دې نه وي چې په دغو سیالیو کې د نوموړي ولایت د مختلفو سیمو لوبغاړي ګډون لري او یوه نیمه میاشت دوام وکړي.
