په خوست کې د پرمختګ په نوم د ځعاستې سیالۍ وشوې
د خوست ولایت د ځغاستې فدراسیون له لوري د خوست ولایت له بیلابېلو ولایتونو څخه د ۱۴۰ تنو ورزشکارانو ترمنځ د ځغاستې سیالۍ وشوې.
دغه سیالۍ د خوست ښار له لوېدیځ د کابل له نوې هډې څخه تر مجاهد څلور لارې په شاوخوا درۍ کیلو متره ساحه کې ترسره شوې.
د خوست ولایت د ورزش آمر عطاء الله کډوال د سیالیو د پای په مراسمو کې لوبغاړو ته په ولسوالیو کې هم د ورته سیالیو د ترسره کېدو ډاډ ورکړ او هغوی یې وهڅول.
په دې سیالیو کې له لومړي مقام څخه تر درېیم مقام ګټونکو ته کمپیوټرونه، تر پینځم مقام پورې مبایلونه او تر پینځلسم مقام پورې کپونه ورکړل شول.
