په خوست کې د اتو لوبډلو ترمنځ د ټېپ بال کرکټ سيالۍ پيل شوې
د خوست ولايت د بدني روزنې او سپورټ امريت اړوند د ټېپ بال کرکټ فدراسيون د استازولۍ له لوري د تڼيوال پارک په ميس عينک ورزشي لوبغالي کې د خصوصي سکتور او دولتي ادارو د اتو لوبډلو ترمنځ د گل وطن په نوم د ټېپ بال کرکټ سيالۍ د انس حقاني لوبډلې په بريا پيل شوې.
په دغو سياليو کې د انس حقاني، ولایت مقام، کانونو ریاست، درملو اتحاديه، امنیه قومانداني، خوست ښاروالي، ورزشي امریت او اډوانس لابراتوار لوبډلو گډون کړی.
د يادو سياليو لومړۍ لوبه د انس حقاني او ولايت مقام لوبډلو ترمنځ ترسره شوه، چې په پايله کې انس حقاني لوبډلې په ټاکلو لسو اورونو کې د څلورو لوبغاړو په سوځېدو سره خپلې سيالې لوبډلې ته د ۱۰۶ منډو هدف کېښود، ولايت مقام لوبډلې ياد هدف تر لاسه نه کړ او د ۱۳ منډو په توپير يې ماته ومنله.
د دغو سياليو د ترسره کېدو موخه د دولتي ادارو او خصوصي سکټور ترمنځ همغږي رامنځته کول ياد شوي دي، چې لس ورځې به دوام وکړي
