په جوزجان ولايت کې د تکواندو لومړى پړاو سيالۍ پاى ته ورسېدې
په جوزجان ولايت کې د تنکيو ځوانانو او نوي ځوانانو ترمنځ د "ډاکټر عتيق الله ناصري" په نوم د جوزجان، سرپل او اقچې ولسوالۍ د ورزشکارانو ترمنځ د تکواندو لومړى پړاو سيالۍ پاى ته ورسېدې.
په دغو سياليو د تنکیو ځوانانو او ځوانانو سني کټګوريو ٧ لوبډلو کې ٧٨ ورزشکارانو ګډون درلود.
د دغو سياليو په پايله کې د نوي ځوانانو برخه کې د جوزجان تکواندو الف لوبډلې د ٤٢ امتيازونو په ترلاسه کولو سره لومړى او د سرپل تکواندو الف لوبډلې د ٩ امتيازونو په ترلاسه کولو سره دوه يم مقام خپل کړ.
همداراز د تنکیو ځوانانو په برخه کې د جوزجان تکواندو الف لوبډلې د ٢١امتيازونو په ګټلو سره لومړى او د اقچې تکواندو لوبډلې د ١٨ امتیازونو په ګټلو سره دوه يم مقام ترلاسه کړ.
