په بادغیس ولایت کې د ۲۶ ورزشکارانو ترمنځ جوجیتسو سیالۍ ترسره شوې
د بادغيس ولايت د بدني روزنې او ورزش امریت په همکارۍ او د جوجیستو فدراسیون د استازولۍ له لوري په شايان ورزشي لوبغالي کې د ۲۶ ورزشکارانو ترمنځ د جوجیستو سیالۍ ترسره شوې، چې یوه ورځ يې دوام وکړ.
یادې سیالۍ د عمر په لحاظ پکې درېوو کټګوریو(تنکیو ځوانانو، ځوانانو او لویانو) او د ۲۰ تر ۷۵ کیوګرامه وزن کې ترسره شوې.
ددغو سیالیو په پرانیسته کې پر ورزشي مسوولینو سربیره ګڼ شمیر ورزشکارانو او مینه والو برخه اخیستې وه.
ددې سیالیو په وروستيو کې پر غوره لوبغاړو ستاینلیکونه، مډالونه او نورې جایزې ووېشل شوې.
