په خوست کې د ۲۲ لوبډلو ترمنځ د ټېپ بال کرکټ سيالۍ پای ته ورسېدې
د خوست ولایت د بدني روزنې او ورزش امریت اړوند د ټېپ بال کرکټ فدراسیون استازولۍ له لوري د ياد ولايت په مرکز توريانو کلي کې د مرکز متون ټاکنيزې سیالۍ د شعیب لوبډلې په اتلولۍ پای ته ورسېدې.
دغو سياليو يوه نيمه مياشت دوام وکړ، پايلوبې ته يې شعيب او متون فيضان لوبډلو لار موندلې وه، لومړی توپوهنه فيضان لوبډلې ترسره کړه او په ټاکلو ۹ اورونو کې يې سیالې لوبډلې ته ۱۱۳ منډې هدف کېښود، د لوبې په دويمه پاڼۍ کې شعيب لوبډلې ياد هدف د لوبې په شپږم اور کې له کوم زيان پرته پوره کړ او په لسو ویکټو يې اتلولي خپله کړه.
