پنجشېر کې د ١٩ لوبډلو ترمنځ د والیبال سیالۍ د ملکانو کلي په اتلولي پای ته ورسېدې
د پنجشېر ولایت د بدني روزنې او ورزش آمریت اړوند د والیبال فدراسیون د استازولي له لوري او د ورزش کارانو د ټولنې له لوري د ياد ولايت مرکز کې د ١٩ لوبډلو ترمنځ د والیبال سیالۍ چې یوه میاشت مخکې پیل شوې وې، د ملکانو کلي په اتلولي پای ته ورسېدې.
د یادو سیالیو پایلوبه د ملکانو کلي او عنابه ولسوالۍ لوبډلو ترمنځ ترسره شوه چې په پایله کې یې د ملکانو کلي لوبډلې د ډېرو نمرو په ترلاسه کولو سره لومړی مقام او د لوړو زده کړو لوبډلې بیا درېیم مقام خپل کړ.
دا سیالۍ والیبال ته د ودې او ورزش ته د ورزش کارانو د هڅونې او د هغوی د ملاتړ په موخه ترسره شوې چې په پای کې د ياد ولايت د ورزشي آمريت له لوري وستايل شول.
