پنجشیر؛ پریان ولسوالۍ کې د ۳۰ تنو ورزشکارانو ترمنځ د تیږې اچوونې سیالۍ ترسره شوې
د پنجشیر ولایت د بدني روزنې او ورزش امریت اړوند د ملي او دودیزو لوبو مدیریت او د اتلتیک فدراسیون د استازولۍ له لوري د یاد ولایت پریان ولسوالۍ کې د ۳۰ تنو ورزشکارانو ترمنځ د تیږې اچوونې سیالۍ ترسره شوې.
دغو سیالیو چې یوه ورځ یې دوام وکړ په پایله کې اقبال الدین لومړی مقام او محمد دایم دویم مقام ترلاسه کړ.
د یادو سیالیو موخه دودیزو لوبو ته وده ورکول، ورزش ته د ځوانانو هڅوول او ځوانانو ته یوه سالمه تفریح برابرول و.
