پروان: زید عطاري لوبډله د فوټسال سیالیو اتلولي وګټله
د پروان ولایت د بدني روزنې او ورزش آمریت له لوري د یووالي په نوم د اته لوبډلو ترمنځ د فوټسال سیالۍ چې یوه میاشت مخکې پیل شوې وې، د زید عطاري لوبډلې په اتلولۍ پای ته ورسېدې.
د یادو سیالیو پایلوبه د زید عطاري او اتحاد جبل السراج لوبډلو ترمنځ ترسره شوه، چې په پایله کې زید عطاري لوبډلې د ډېرو نمرو په ترلاسه کولو سره لومړی مقام وګاټه.
دغه سیالۍ چې د ځوانانو د ورزش د ودې په موخه پیل شوې وې، په پای کې اتلې لوبډلې ته کپ، ستاینلیک او نورې ډالۍ ورکړل شوې.
