پروان؛ پامير لوبډلې د فوتسال رمضان جام سیالیو اتلولي خپله کړه
د پروان ولايت د فوتسال رمضان جام سيالۍ چې ١٦ ورځې وړاندې د دې ولایت د ورزش امريت او فوټبال فدراسيون له لوري ١٢ لوبډلو ترمنځ د چاريکار ښار په صادقي ورزشي جمنازيوم کې پيل شوې وې، د پامیر لوبډلې په ګټه پاى ته ورسېدې.
ددغو سياليو پايلوبه د پامير او ياران رشاد لوبډلو ترمنځ وشوه، چې د پامير لوبډلې ٧-٢ خپل سيال ته ماتې ورکړه او د دې سياليو اتلولي يې خپله کړه.
د يادلو ده چې دغه سيالۍ د ليګ په بڼه په درېيو ګروپونو کې ترسره شوې چې ټولي ٣٣ لوبي پکې وشوې.
