پروان؛ مرکز چاریکار کې د څلورو لوبډلو ترمنځ د رسۍ کشولو سیالۍ ترسره شوې
د پروان ولایت د بدني روزنې او ورزش امریت له لوري د یاد ولایت په مرکز چاریکار کې د څلورو لوبډلو ترمنځ د رسۍ کشولو اختریزې سیالۍ پای ته ورسېدې.
د دغو سیالیو پایلوبه د امید او شهامت لوبډلو ترمنځ ترسره شوه، چې په پایله کې د امید لوبډلې د زیاتو امتیازونو په ترلاسه کولو سره اتلولي خپله کړه.
د یادو سیالیو موخه سیمه ییزو لوبو ته وده ورکول او د نېکمرغه لوی اختر نمانځل و.
د سیالیو په پای کې د پروان ولایت ورزشي امریت له لوري غوره لوبغاړو ته چمتو شوې ډالۍ ورکړل شوې.
