پروان؛ سرخ پارسا ولسوالۍ کې د ۱۳ لوبډلو ترمنځ د والیبال اختریزې سیالۍ د میته B لوبډلې په اتلولۍ پای ته ورسېدې
د پروان ولایت د بدني روزنې او ورزش امریت له لوري د یاد ولایت سرخ پارسا ولسوالۍ کې د ۱۳ لوبډلو ترمنځ د والیبال اختریزې سیالۍ د میته B لوبډلې په اتلولۍ پای ته ورسېدې.
د دغو سیالیو په پایلوبه کې د میته B لوبډلې خپلې سیالې میته A لوبډلې ته د ۳/۱ میدانونو په توپیر ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول، ځوانانو ترمنځ یووالی رامنځته کول او د نېکمرغه لوی اختر نمانځل و.
په پای کې غوره لوبډلې او لوبغاړو ته بالونه، ستاینلیکونه او چمتو شوې ډالۍ ورکړل شوې.
